我想了很久，除了第一次，在港島跑馬地的考牌路線；我還記得六成外 ...... ？
其它的路線，邊條路往邊條路；怎都記不起來 ......
幾乎連個試場名及地址、街名都記不起來 ......
唔通患了老人痴呆症？？
新近的事都忘記得七七八八，陳年的事亦記不到多少 ......
一於上網查查試場地址，不然怎寫出來見人；地址都唔正確 ......
私家車就在 跑馬地 ......
小巴就在 九龍天光道試場考 ( 如沒記錯 ) ；因那時住何文田。
後來搬進新界住 ，中型貨車、旅遊巴士就在 德士古道試場考的。
後來搬進新界住 ，中型貨車、旅遊巴士就在 德士古道試場考的。
記得那年冬天某一日，那天風吹得很大、又很冷，試場又是水泥 + 沙泥地，風吹起來；刮起了塵沙 ......
除了手腳僵硬外，還滿臉塵土；很是難受 ......
據師傅說：我還是排第四的考生，所以有排我等候呢！
呀！唔記得講：那次是去考旅遊巴呢！
登記好後，剛好看見有個考官從一部旅巴跳下來，一路口噏噏的，像是駡人；面色尤如熏黑了的神像 。
師傅也就擰擰頭，圍過去其他的師傅堆說：『 又第三件了！』
幾個師傅都在嘆氣及搖頭 ......
看得我心慌意亂，七上八落 ...... 心裏嘀咕着：『攪乜呀？』
我望着師傅，兩隻眼現了兩個 ？ ？ 來
他行過來跟我說：『 蘇女呀！其實我都唔想同你講，怕影響你的情緒，但講了給你聽；等你有定心理準備吖！』
？ ？ 好似想講俾我聽，我是生了 cancer 咁 ？？ ？ 仲驚 ......
『 今日三個考牌官，其他兩個已考完考生了，剛才那個黑面神，如無意外；應該就是考你的了 .....』
『 這兩星期來佢都未俾過 pass 人呀！』
我瞪到双眼龍眼咁大粒，望着師傅；個心卜卜卜卜 ........ 跳得很快 ......
他跟着說：『 算你唔好彩啦！他的老婆剛跟人走咗佬呀！心情唔好，喺人都肥佬；女人更加唔使講啦！』
『 你自己執生啦！唔好得罪佢呀！下次可能撞番佢架！』
吓！講到我實肥佬咁？
媽的！
佢老婆跟人走咗佬關人鬼事咩？
做乜發洩落人哋到啫？
有好多人好辛苦找錢來學車、考牌的呀？
唔通我哋唔喺人咩？
無名火起三千丈 .......
不是手執鋼刀 ....... 去鋤奸 ...... ( 睇殘片多 )
而是手握拳頭 ...... 氣咕咕 ......
正在成身發抖之時，那傢伙拿着個 pad 出來了 .......
『 蘇 乜乜 嗎？上車！先泊位 』，語氣極之傲慢、鄙視咁 .....
我雖然不是男人，但最衰我也是好逞強嘅男仔頭，遇強愈強。
好！就睇你點？
放馬過來！最多咪唔 pass .......
巴士考泊直角 L 位，一 d 難度都沒有 .......
跟着叫我駛出馬路，以我記得：路試有兩線，根本只考一條線，加一個窄路掉頭。
在路上，我覺得他一路睥着我，好似我喺佢殺父仇人咁！
最好笑是：考牌官基本上是沒說話講的嘛 .......＜ 咁多次的經驗 ＞
但他卻自言自語：『都唔知 d 女人學咁多嘢做乜？咁叻做乜？』重重覆覆 ......
我心想：佢一喺痴咗線？一喺想揾人傾偈？
痴線同有情緒問題，都唔刺激得架噃？
傾偈、開導或同一陣線說話？選邊樣好呢？ ..... 怎樣打開話匣子呢？
我就膽粗粗的答他：『 阿 Sir ，你喺咪問我嘢呀？』
他也愕了愕，可能沒考生曾敢答他 .......
他就搖着我嘅駕駛執照，兇巴巴的說：『你一個女人，考咁多牌做甚麼？要嚟揾食呀？』
我心想：橫直都喺死架啦！怕你呀？
『我而家仲話有份好工啫！它日我無工做，都可有一技傍身揾食吖！』
『趁年青唔學、唔考定，老時、需要時要人幫，人哋想幫都幫你唔到呀？每個人都要自強的嘛！』我一口氣的說 。
其實我都是用平常心跟他說話，因為我那時都覺得他好可憐！
我這番說話，我知道好有可能觸動到他的神經 .......
但可以怎講呢？
唔通要我說：『 Sorry Sir ！Sorry Sir！我好需要這個牌來揾食，唔該你寬容下啦！』咁咩？
真喺打死我都唔制 .......
我看見他嘆了長長一口氣 ......
跟着他說：『 石籬、城門那邊你走過沒有？過那邊走走 ..... 』
那邊已是第二條考線，我咪要考兩條線？
一路上，我都若無其事，他卻迷迷惘惘的 .....
很多時都是我出聲問他要走那條路 ......
其實很多路都是我自動波走的 .....
好像過了已很久，他才叫我駛回試場 。
回到試場時，師傅們跟一些已考完但沒走的考生；都全站起來了。
他 ＜考官＞ 跟我說：『 你揸得不錯，俾咗個牌你；要好好用啊！』
語氣明顯溫和了許多，然後步回貨櫃箱內的辦公室裏 。
師傅們圍攏過來問道：『去咗成個幾鐘，攪乜鬼？』
『個個都大半個鐘唔使 ..... 你咁耐嘅？』
原來 11 點半出去，回來已是 1 點3了 ......
我說：『我哋好似去遊巴士河 .....』總之我合格就是了 ... 
特此聲明：
我是醜女，無美色用 ...
人好奇怪，可能就因一口氣宣洩不得 ，他的家事又不能對人言，苦悶之極，又沒有人敢踫他、開解他、個個扮唔知，但卻在他背後私語 。
在那裏 ＜ 試場 ＞，他高高在上；所以更加無處宣洩 ...
所以，可以的話，就聽聽他人的聲音吧 ...
可能幫到他人之外，自己也可能得到裨益呢！ 這個巴士牌是我最後考的一個，我也問自己點解要考咁多牌呢？
兩個字 ＜ 好勝 ＞
看看自己可不可以做得到，留回它日有用否亦是其次 ...
點解唔考的士、貨櫃？
因為考到都絕唔會駕駛，而且揸的士要記街道又困身 ...
其次是經此一役，亦怕怕咯！亦唔喺經常都咁好彩架嘛！
＊ 1、2、4、5、9、10 ＊
不是六合彩號碼，不過，你可以照買，中咗分番份俾我；唔該！
以前 d 牌，喺逐個考上去架 ，唔似現在的考大送小架！
全是每個都真金白銀逐個考的 ，邊有而家咁好彩，考大送細吖！
認真唔抵 .....
