剝削

並不是投訴以下兩品牌，只是拿來做一個格價例子

 

物價飛脹得那麽厲害，一眾屋村師奶，各出奇謀，拋出慳錢方案 ，各式其式 ，七嘴八舌  ...

『2 號、20 號吉吉島有折頭』

『恒 S 銀行 E 咭惠康有折頭』

『匯 F 銀行 V 、M 咭，逢星期六都有折，兩間超市都用得，仲正啦』

『好彩我平的時候，掃了幾包米、幾樽油  』

『我都精啦！$ 15.8 的時候，我掃了 2 箱 ＜白豬仔＞ 呢！而家賣 $ 28.2 呢！』

『 有賺！』

『食晒你唔使買，衰得你吖！ 』

『米會生穀牛架喎！因住爬到你成屋都係！我都試過！』

『唔係咁化學喺嘛？  』

我經常都會到 ＜吉吉島 ＞買東西，第一時間就去申請，可是要 $50 一年會費，還要由 1月1日起算，那豈不是 ＜未見官先打 30 大板＞。

用兩間銀行咭都是嘥氣，因為兩超市都會在 ＜打折日＞ 把貨品提高一塊至二塊錢後，才給你刷咭打折 。

那豈不未有打折，還加多了錢呢！

很多人就是有理沒理的在 ＜打折日＞ 去狂掃貨呢！

那麽就超市除了清貨外，還多賺了錢呢！

我不是沒根據的  ...  就以上述兩種貨品為例 ：

魚肉燒賣 

平時賣                    $ 17.9

打折日賣                $ 18.9

麻蓉湯圓

平時賣                      $ 7.9

打折日賣                  $ 8.9

銀行咭打折才不過 95 折，超市豈不賺多了很多嗎？

不是銀行、貨品欺騙我們，是兩大超市欺騙了我們！

可惡！

可惡！

小市民已是 ＜ 肉在砧板上 ＞ 啦！

任由 ＜ 宰割、切片 ＞，

為何還要把我們 ＜ 喙碎、免治 ＞ 啊！