師奶情

屋村師奶芬在 3 點多鐘給電話來  ...

『你在就好了』

『大吉利是 ，仲未死得』我笑着答。

『我而家蒸緊籮蔔糕呀！等陣我再俾電話你下樓攞吖！今朝才收割番嚟，預咗你一份啦！』

我怕她辛苦，因她家前幾天裝修已做得很辛苦，但又想俾 d 家庭安慰我哋哩 d 孤獨之人，便猛蒸糕送給我們食。

所以我便說：『我都唔中意食籮蔔糕嘅！多謝啦！得啦！你留番家人食啦！』

『你唔好咁虛偽喎！我記得你中意食喎！預咗你啦！衰人』

當然說她不過啦！亦不想她東奔西走，因她會熱心到送到上門的，真太感激她了。

上月她才送了我兩塊碌柚皮，用魚湯做的，超好味，拿着回家時，心想：一定照張相表揚吓佢至得。

點知回到家裏已急不及待拿出筷子來空口便吃了，當然是十分好味啦！

老媽教我用魚露做，她用魚湯及唔知乜鬼弄，兩者完全唔同風格。

其實這底籮蔔糕，我本來想明天拿過老媽處跟她一同分享的  ...

點知我這饞咀的不孝女，實在忍不住了，籮蔔糕迅即成為我＜ 腹中塊肉 ＞了，當然照片也未及拍下；便 ＜ 毀糕滅漬 ＞了 。

謝謝哦！真的謝謝哦！