你是我的眼

 

這人仔現在已是 大人 了  ...   不是 人大 呀！

見到網友婷婷寫她的兒子，由幼稚園升讀小一後的感覺，
兒子的一舉一動，任何言行的改變，做媽媽的感受至深！

婷婷說：
『為甚麼人仔咁多嘢問？問到答唔切！』

 

我的人仔小小時侯也是每事問，
問到你口啞啞，啼笑皆非  ...



想起以前又要返工，
又要做家務，又要陪他做功課。

很多時會不自覺伏在桌上睡着了，
他也跟我一起伏在枱上睡，
口水都弄濕了他的書本。



想從前有次，替他沖涼的事候，他周身郁  ...

我就說：
『不要郁啦！洗乾淨粒鏍絲釘先啦！唔喺就爛肉啦！』

怎知人仔就說：
『我粒鏍絲釘、爸爸咪鏍絲批囉？喺咪？媽咪！』

『鏍絲釘、鏍絲批！鏍絲釘、鏍絲批！』
當歌仔唱   ...

我那時不知怎說，張大個口 ，吹脹！



想從前有次在地鐵車廂內，
因老媽生日，不等做完功課就去吃飯。


見在車廂有時間，拿書想給人仔溫習，
但他不用心，我就對他說：
『你喺咪想做籮底橙吖？』

但人仔就問我：
『媽咪！做蘿底橙咪仲好、唔使俾人食咗先！』



車廂聽到的人都望着我點答，我個面都紅晒。

你說人仔說錯嗎？不是
你說我錯嗎？是



那是以後都不要在公眾場所教仔做功課，
除擾及他人外，
還會隨時不會有好下場，無地自容！



小小人仔答案最直接，用物件的對比，時間的先後，
問得就問、答得就答，啼笑皆非！



『點解我哋睇唔倒個背脊嘅？』


『點解最有用嘅嘴得一個嘅？』

我說：
『你一張嘴我都煩死了，你要那麼多做甚麼？』

人仔說：『眼有兩隻、耳有兩隻、鼻有兩個、
手腳都各有兩隻，點解個口得一個咁少？』

『吓！鼻有兩個？』

『有兩個鼻孔吖嘛！』
『口多一個就好了！點解得一個呀？媽咪！』



點解？點解？點解？點解？點解？



我望着個天，都想問點解？



但 ~ ~ ~ 原來這些片段，都深深刻在我心坎裏，
是最美好、最美好的回憶！

大個仔了  ...
從前我是你的 GPS  ...
給你護航安全向前走  ...



經歷這些年  ...
媽咪的腦、心、眼都糢糊了  ...
將來你會充當媽咪的眼睛嗎？

約定喔！

生日快樂！