2010年4月4日 星期日

考牌實錄

我想了很久,除了第一次,在港島跑馬地的考牌路線;我還記得六成外 ...... 
其它的路線,邊條路往邊條路;怎都記不起來  ......
幾乎連個試場名及地址、街名都記不起來  ......

唔通患了老人痴呆症??
新近的事都忘記得七七八八,陳年的事亦記不到多少 ......
一於上網查查試場地址,不然怎寫出來見人;地址都唔正確  ......



私家車就在 跑馬地  ......
小巴就在 九龍天光道試場考 ( 如沒記錯;因那時住何文田。
後來搬進新界住 ,中型貨車、旅遊巴士就在 德士古道試場考的。


記得那年冬天某一日,那天風吹得很大、又很冷,試場又是水泥 + 沙泥地,風吹起來;刮起了塵沙  ......
除了手腳僵硬外,還滿臉塵土;很是難受  ......
據師傅說:我還是排第四的考生,所以有排我等候呢!

呀!唔記得講:那次是去考旅遊巴呢!



登記好後,剛好看見有個考官從一部旅巴跳下來,一路口噏噏的,像是駡人;面色尤如熏黑了的神像 

師傅也就擰擰頭,圍過去其他的師傅堆說:『
又第三件了!』
幾個師傅都在嘆氣及搖頭  ......

看得我心慌意亂,七上八落
  ...... 心裏嘀咕着:『攪乜呀?』
我望着師傅,兩隻眼現了兩個    

他行過來跟我說:『
蘇女呀!其實我都唔想同你講,怕影響你的情緒,但講了給你聽;等你有定心理準備吖!』

好似想講俾我聽,我是生了 cancer ??  仲驚  ......



今日三個考牌官,其他兩個已考完考生了,剛才那個黑面神,如無意外;應該就是考你的了  .....
這兩星期來佢都未俾過 pass 人呀!』

我瞪到双眼龍眼咁大粒,望着師傅;個心卜卜卜卜
  ........  跳得很快  ......

他跟着說:『
算你唔好彩啦!他的老婆剛跟人走咗佬呀!心情唔好,喺人都肥佬;女人更加唔使講啦!』

你自己執生啦!唔好得罪佢呀!下次可能撞番佢!』

吓!講到我實肥佬咁?
仲要無得咋型,好留下次好再考??



媽的!
佢老婆跟人走咗佬關人鬼事咩?
做乜發洩落人哋到啫?

有好多人好辛苦找錢來學車、考牌的呀?
唔通我哋唔喺人咩?

無名火起三千丈
  .......
不是手執鋼刀  .......  去鋤奸  ...... ( 睇殘片多 )
而是手握拳頭   ......  氣咕咕  ...... 

正在成身發抖之時,那傢伙拿着個
pad 出來了  .......



乜乜 嗎?上車!先泊位 』,語氣極之傲慢、鄙視咁  .....

我雖然不是男人,但最衰我也是好逞強嘅男仔頭,遇強愈強。
好!就睇你點?
放馬過來!最多咪唔 pass  .......

巴士考泊直角
L 位,一 d 難度都沒有  .......
跟着叫我駛出馬路,以我記得:路試有兩線,根本只考一條線,加一個窄路掉頭。

在路上,我覺得他一路睥着我,好似我喺佢殺父仇人咁!

最好笑是:考牌官基本上是沒說話講的嘛
 ....... 咁多次的經驗

但他卻自言自語:『都唔知
d 女人學咁多嘢做乜?咁叻做乜?』重重覆覆  ......

我心想:佢一喺痴咗線?一喺想揾人傾偈?
痴線同有情緒問題,都唔刺激得噃?
傾偈、開導或同一陣線說話?選邊樣好呢? ..... 怎樣打開話匣子呢?

我就膽粗粗的答他:『
Sir ,你喺咪問我嘢呀?』
他也愕了愕,可能沒考生曾敢答他  .......

他就搖着我嘅駕駛執照,兇巴巴的說:『你一個女人,考咁多牌做甚麼?要嚟揾食呀?』

我心想:橫直都喺死
啦!怕你呀?

『我而家仲話有份好工啫!它日我無工做,都可有一技傍身揾食吖!』
『趁年青唔學、唔考定,老時、需要時要人幫,人哋想幫都幫你唔到呀?每個人都要自強的嘛!』我一口氣的說 

其實我都是用平常心跟他說話,因為我那時都覺得他好可憐!
我這番說話,我知道好有可能觸動到他的神經  .......

但可以怎講呢?

唔通要我說:
Sorry Sir Sorry Sir我好需要這個牌來揾食,唔該你寬容下啦!』咁咩?

真喺打死我都唔制
  .......



我看見他嘆了長長一口氣  ......
跟着他說:『 石籬、城門那邊你走過沒有?過那邊走走  .....

那邊已是第二條考線,我咪要考兩條線?

一路上,我都若無其事,他卻迷迷惘惘的
  .....
很多時都是我出聲問他要走那條路  ......
其實很多路都是我自動波走的  .....

好像過了已很久,他才叫我駛回試場
 

回到試場時,師傅們跟一些已考完但沒走的考生;都全站起來了。

<考官> 跟我說:『 你揸得不錯,俾咗個牌你;要好好用啊!』
語氣明顯溫和了許多,然後步回貨櫃箱內的辦公室裏 



師傅們圍攏過來問道:『去咗成個幾鐘,攪乜鬼?』
『個個都大半個鐘唔使  ..... 你咁耐嘅?』

原來 11 點半出去,回來已是 1 3  ......
我說:『我哋好似去遊巴士河 .....



總之我合格就是了  ...  

特此聲明:

我是醜女,無美色用
...



人好奇怪,可能就因一口氣宣洩不得 ,他的家事又不能對人言,苦悶之極,又沒有人敢踫他、開解他、個個扮唔知,但卻在他背後私語 

在那裏 試場 >,他高高在上;所以更加無處宣洩  ...



所以,可以的話,就聽聽他人的聲音吧  ...
可能幫到他人之外,自己也可能得到裨益呢!  



這個巴士牌是我最後考的一個,我也問自己點解要考咁多牌呢?

兩個字
好勝
看看自己可不可以做得到,留回它日有用否亦是其次  ...

點解唔考的士、貨櫃?
因為考到都絕唔會駕駛,而且揸的士要記街道又困身  ...

其次是經此一役,亦怕怕咯!亦唔喺經常都咁好彩
嘛!

  1245910 
不是六合彩號碼,不過,你可以照買,中咗分番份俾我;唔該!

以前
d 牌,喺逐個考上去 ,唔似現在的
全是每個都真金白銀逐個考的 ,邊有而家咁好彩,考大送細吖!

認真唔抵   .....   



沒有留言:

張貼留言